ព្រឹកថ្ងៃទី១៧ ខែកក្កដា ឆ្នាំ២០១៥ នៅវិទ្យាល័យសម្តេចតេជោហ៊ុន សែន រលាំងឈូក មានរៀបចំពិធីប្រគល់ លិខិតសរសើរ និងរង្វាន់ជូនសិស្សពូកែចំនួន១៨នាក់ ក្រោមអធិបតីភាព ឯ.ឧ ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ និងមានការចូលរួមជាកិត្តិយសរបស់ ឯ.ឧ សត្យា វុធ ទីប្រឹក្សាសម្តេចភក្តី សាយ ឈុំ ប្រធាន ព្រឹទ្ធសភា។ សិស្សទាំង១៨ មានសិស្សពូកែគណិតវិទ្យា ៩រូប និងសិស្សពូកែខ្មែរ៩រូប។ អ្នកទទួលបានលេខ ១ លេខ ២ និងលេខ៣ ទទួលបានអាហារូបករណ៍ ៤ឆ្នាំ សិក្សានៅកម្រិតថ្នាក់បរិញ្ញាបត្របន្ទាប់ពីប្រឡងជាប់ទុតិយភូមិ ទោះបីកម្រិតណាក៏ដោយ។ សូមបញ្ជាក់ថា ក្នុងពិធីនេះ ឯ.ឧ ទេសរដ្ឋមន្ត្រីក៏បានឧបត្តម្ភជូនលោកគ្រូ អ្នកគ្រូ ក្នុងម្នាក់ៗទទួលបានថវិកា ២ម៉ឺនរៀលផងដែរ។ សូមអរគុណយ៉ាងជ្រាលជ្រៅបំផុតចំពោះ ឯ.ឧ រិន វីរៈ រដ្ឋលេខាធិការ ក្រសួងផែនការ និង ឯ.ឧ ទុយ ស៊ីផាន់ អនុរដ្ឋលេខាធិការ ក្រសួងការងារ ដែលបានឧបត្តម្ភកម្មវិធីនេះផងដែរ។ កម្មវិធីនេះ មានការចូលរួមពី លោកគ្រូ អ្នកគ្រូ និងសិស្សានុសិស្ស ប្រមាណ ១៤០០ នាក់ផងដែរ។
