គងពិសី៖កាលពីថ្ងៃទី ២៣ ខែវិច្ឆិកា ឆ្នាំ ២០១៧ ឯកឧត្តម យឹម សុខុម ប្រធានក្រុមប្រឹក្សាខេត្តកំពង់ស្ពឺ និងឯកឧត្តម ព្រំ វណ្ណៈ អភិបាលរងខេត្ត បានអញ្ជើញជាគណៈអធិបតីក្នុងវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តនៅស្រុកគងពិសី ខេត្ត កំពង់ស្ពឺ។
វេទិកានេះធ្វើឡើងក្នុងគោលបំណងសំខាន់ពីរក្នុងនោះ ទី1 ៖ដើម្បីផ្តល់ឱកាសដល់ប្រជាពលរដ្ឋបានទទួលជ្រាបអំពីសមិទ្ធិផល និងលទ្ធផលនានាដែលរដ្ឋបាលខេត្តបានអនុវត្តនាពេលកន្លងមក។
និងទី2៖ ដើម្បីប្រមូលព័ត៌មានអំពីក្តីកង្វល់ និងបញ្ហាប្រឈមនានាដែលប្រជាពលរដ្ឋក្នុងស្រុកគងពិសីកំពុងជួបប្រទះដើម្បីយកមកដោះស្រាយបានទាន់ពេលវេលា ឬដាក់បញ្ចូលក្នុងកម្មវិធីវិនិយោគប្រចាំឆ្នាំនាឆ្នាំបន្ទាប់។
