(ភ្នំពេញ)៖ លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្រ្តី បានថ្លែងឲ្យដឹងថា នៅក្នុងកិច្ចប្រជុំគណៈរដ្ឋមន្រ្តី សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានថ្លែងថា សម្តេចជាអ្នកចុះហត្ថលេខាផ្ទាល់ដៃរវាងសម្តេច និងលោក សម រង្ស៊ី ក្នុងការនាំបង្កើតវប្បធម៌ អធ្យាស្រ័យអនុគ្រោះ ដែលហៅថា វប្បធម៌សន្ទនា និងពង្រឹងសុជីវធម៌នោះ មិនគិតដល់ការអោបក្រសោបផ្សះផ្សារ និងសាមគ្គីជាតិ ដើម្បីប្រជាជនសុខដុមរមនា។
ក្រៅពីលើកឡើងនេះ សម្តេចតេជោ ហ៊ុន សែន បានអះអាងថា សម្តេចជាអ្នកសន្តិភាពនិយម និងអធ្យាស្រ័យអនុគ្រោះខ្ពស់បំផុត ចំពោះករណីល្មើសរបស់ លោក សម រង្ស៊ី យ៉ាងហោចណាស់ចំនួនពីរដងរួចមកហើយ។
អ្នកនាំពាក្យរូបនោះបានថ្លែងស្រង់ប្រសាសន៍ សម្តេចតេជោ ហ៊ុន សែន នៅក្នុងកិច្ចប្រជុំបញ្ជាក់យ៉ាងដូច្នេះថា «សម្តេចអគ្គមហាសេនាបតីតេជោ ហ៊ុន សែន ជាអ្នកសន្តិភាពនិយម និងអធ្យាស្រ័យអនុគ្រោះ ខ្ពស់បំផុតចំពោះករណីល្មើសរបស់ សមរង្ស៊ី យ៉ាងហោចណាស់ចំនួនពីរដងរួចមកហើយ។ សម្តេចតេជោ ហ៊ុន សែន ជាអ្នកចុះហត្ថលេខាផ្ទាល់ដៃរវាងសម្តេច និងសម រង្ស៊ី ក្នុងការនាំបង្កើតវប្បធម៌អធ្យាស្រ័យអនុគ្រោះ ដែលហៅថា វប្បធម៌សន្ទនា និងពង្រឹងសុជីវធម៌នោះ មិនគិតដល់ការអោបក្រសោបផ្សះផ្សារ និងសាមគ្គីជាតិ ដើម្បីប្រជាជនសុខដុមរមនា»។
សូមជំរាបថា នៅព្រឹកថ្ងៃសុក្រ ទី១៣ ខែវិច្ឆិកា ឆ្នាំ២០១៥នេះ គណៈរដ្ឋមន្ត្រី បានបើកកិច្ចប្រជុំរបស់ខ្លួន ដោយពិភាក្សាទៅលើច្បាប់ស្តីពីសហជីព រួមទាំង ការផ្តល់សច្ចាប័ន ទៅលើកិច្ចព្រមព្រៀងចំនួន២បន្ថែមទៀត របស់រាជរដ្ឋាភិបាលកម្ពុជា។ កិច្ចប្រជុំនេះ ធ្វើឡើងក្រោមអធិបតីភាព សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា៕
(ប្រភពពីFreshNews)
ព័ត៌មានបន្ថែមស្តីពី: ស្តាប់ការបកស្រាយអំពីការលើកឡើងជាលក្ខណះ វាយប្រហារពីបក្សប្រឆាំងមកលើ សម្តេចតេជោ កាលពីពេលថ្មីៗបំផុតកន្លងមកនេះ (Video Inside)
