ដើម្បីចូលរួម អបអរសាទរ ទិវាជ័យជំនះ ៧ មករា នៅខេត្តកំពង់ស្ពឺ ឆ្នាំនេះ នាព្រឹកថ្ងៃទី ០៥ ខែមករា ឆ្នាំ២០១៦ ថ្នាក់ដឹកនាំខេត្ត បានរៀបចំឱ្យមានការប្រកួតកីឡាវាយសី ដណ្តើមពានរង្វាន់ឯកឧត្តមអភិបាលខេត្តកំពង់ស្ពឺ ដោយមានការចូលរួមពីកីឡាករជាច្រើនក្រុម មកពីមន្ទីរ អង្គភាពជុំវិញខេត្ត និងប្អូនៗយុវជនជាច្រើនរូបបានចូលរួមផងដែរ។ កម្មវិធីនេះ រៀបចំធ្វើនៅសាលវាយសី នៃកីឡដ្ឋានខេត្ត ក្រោមអធិបតីភាព ឯកឧត្តម យឹម សុខុម ប្រធានក្រុមប្រឹក្សាខេត្ត និងមានការចូលរួមពីថា្នក់ដឹកនាំមន្ទីរអង្គភាពជុំវិញខេត្ត។
ការប្រកួតកីឡាវាយសីនេះ មានរយៈពេល២ថ្ងៃ គឺចាប់ពីថ្ងៃទី៥ ដល់ថ្ងៃទី៦ ខែមករា ឆ្នាំ២០១៦ ចាប់ពីម៉ោង ៧:៣០ ព្រឹក និងពីម៉ោង ២:០០ សម្រាប់ពេលរសៀល។
សូមចូលរួមទស្សនាដោយសេរី ដើម្បីលើកទឹកចិត្តដល់កីឡាករវាយសីខេត្តយើង និងដើម្បីចូលរួមអបអរសាទរ ទិវាជ័យជំនះ ៧ មករា ផងដែរ។
សូមអរគុណ។
